काठमाडौं । आइतवार स्थानीय बजारमा सुनको भाउ प्रतितोला ३ सयले ओरालो लागेको छ । सो दिन सुन तोलाको ५२ हजार ७ सयमा कारोवार भएको हो ।
यसअघि शुक्रवार सुन तोलाको ५३ हजारमा कारोवार भएको थियो । त्यस्तै चाँदीको भाउ पनि सामान्य ओरालो लागेको नेपाल सुनचाँदी व्यवसायी महासंघले जानकारी दिएको छ ।
महासंघका अनुसार आइतवार चाँदी प्रतितोला १० रुपैयाँले घटेर ७ सय ५५ मा कारोवार भएको छ । शुक्रवार चाँदी तोलाको ७ सय ६५मा किनबेच भएको थियो ।