काठमाडौ. । इटालिया मोटरवर्क्सले सुनरा विद्युतीय स्कुटरको प्रदर्शन तथा विशेषतामा मिडियालाई जोड्दै सुनरा के फाईभ स्कुटरको मिडिया टेस्ट राइड इभेन्ट सम्पन्न गरेको छ। उक्त कार्यक्रममा विभिन्न सञ्चारमाध्यमका ४० भन्दा बढी प्रतिनिधिहरूले सहभागिता जनाएका थिए।
सहभागीहरूले सुनरा के फाईभको शक्ति, प्रदर्शन, प्रविधि तथा मूल्य नीतिबारे प्रत्यक्ष अनुभव लिएका थिए। स्कुटरको सवारी परीक्षणपछि मिडिया प्रतिनिधिहरूले यसको गति, सुविधा तथा ब्याट्री क्षमताप्रति प्रशंसा व्यक्त गरेका थिए। सुनरा के फाईभमा चार किलोवाट पिक पावर क्षमताको मोटर जडान गरिएको छ। यसमा उपलब्ध बहत्तर भोल्ट पैंतीस एम्पीयर आवरको ग्राफिन ब्याट्री पाँचदेखि छ घण्टामा पूर्ण रूपमा चार्ज हुन्छ र एकपटक चार्ज गर्दा एकसय किलोमिटरसम्म यात्रा गर्न सकिन्छ।
सुनरा के फाइभको अधिकतम खुद्रा मूल्य एक लाख उनानब्बे हजार नौसय तोकिएको छ। इटालिया मोटरवर्क्सले सुनरा के पाँचसँगै रोबो एस र ह्वांक मोडलहरू पनि विशेष छुटका साथ बजारमा उपलब्ध गराएको छ।
रोबो एस मोडलमा तीन किलोवाट पावर क्षमताको मोटर, बहत्तर भोल्ट बीस एम्पीयर आवरका दुई लिथियम ब्याट्री, एकसतीस किलोमिटरसम्मको यात्रा दूरी, र अस्सी किलोमिटर प्रति घण्टाको उच्चतम गति उपलब्ध छ। यसको अधिकतम खुद्रा मूल्य तीन लाख उनान्सत्तरी हजार नौसय तोकिएको छ भने साठी हजार छुट सहित अहिले तीन लाख उन्नाइस हजार नौसयमा उपलब्ध छ।
ह्वांक मोडल दुई ब्याट्री वा एक ब्याट्री विकल्पमा उपलब्ध छ। दुई ब्याट्री संस्करणको अधिकतम खुद्रा मूल्य तीन लाख सत्र हजार नौसय रहेको छ भने अठ्ठाउन्न हजार छुट सहित दुई लाख उनसठ्ठी हजार नौसयमा उपलब्ध छ। एक ब्याट्री संस्करणको अधिकतम खुद्रा मूल्य दुई लाख छत्तीस हजार नौसय तोकिएको छ भने सैंतीस हजार छुट सहित एक लाख निन्यानबे हजार नौसयमा बिक्री भइरहेको छ।
ह्वांकले एक हजार आठसय वाटको मोटर, एकसतीस किलोमिटरसम्मको यात्रा दूरी, र पैसठ्ठी किलोमिटर प्रति घण्टाको गति प्रदान गर्दछ।
इटालिया मोटरवर्क्सले गुणस्तरीय विद्युतीय स्कुटर तथा बेनेली ब्रान्डका मोटरसाइकलहरू नेपाली बजारमा पुर्याउँदै ग्राहकहरूलाई सहज, किफायती तथा वातावरणमैत्री यातायात समाधान दिने प्रतिबद्धता जनाएको छ।
कम्पनीका बिक्री तथा बजार व्यवस्थापक नवराज घिमिरेका अनुसार, सुनरा स्कुटरहरूले नेपाली उपभोक्ताको आवश्यकता अनुरूप गति, सहजता तथा टिकाउपनलाई प्राथमिकता दिँदै आएका छन्। यी मोडलहरूमा उपलब्ध छुटले ग्राहकहरूका लागि यो अवसरलाई अझै आकर्षक बनाएको छ।
अधिक जानकारीका लागि इटालिया मोटरवर्क्सको शोरुममा भ्रमण गर्न सकिन्छ वा तोकिएको सम्पर्क नम्बर तथा इमेलमार्फत जानकारी लिन सकिन्छ।
