काठमाडौं । यामाहा नेपालले २०२५ डब्लुटी२० त्रिकोणात्मक शृङ्खलाको टाइटल प्रायोजक हुने घोषणा गरेको छ। प्रतियोगिता माघ १७ देखि २५, २०८१ सम्म टीयू अन्तर्राष्ट्रिय क्रिकेट मैदानमा भईरहेको छ । जसमा नेपाल, नेदरल्याण्ड्स र थाइल्याण्डको बीच प्रतिस्पर्धा भईरहेको छ ।
यामाहा नेपालले खेलकुद र युवा संलग्नतामा महत्त्वपूर्ण योगदान दिने विश्वास राख्दै यस साझेदारीमार्फत नेपालको क्रिकेटको विकासमा सहयोग गर्ने लक्ष्य राखेको छ।
दीपक कुमार अग्रवाल, एमएडब्लू राइड्सका कार्यकारी निर्देशक,ले भने, ‘हामी क्रिकेटप्रेमी र यामाहा राइडर दुवैको लागि यो साझेदारीलाई गर्वका साथ अघि बढाउँदैछौं।’ यस शृङ्खलाले खेलकुदप्रेमीहरूलाई रोमाञ्चक अनुभव दिने कम्पनीको अपेक्षा छ ।
