काठमाडौं । साताको पहिलो कारोबार दिन ‘आईतबार’ नेपाल स्टक एक्सचेन्ज (नेप्से) दोहोरो अंकले बढेर बन्द भएको छ । कारोबार समयको सुरुवातिदेखि उत्तारचढाव भईरहेको नेप्से अन्तिम समयमा १२.५८ अंकले बढ्दै २६ सय १ को विन्दुमा पुगेर रोकिएको हो ।
कारोबार अवधिभर आज कुल ३ सय २५ कम्पनीका १ करोड २९ लाख ८२ हजार बढी कित्ता सेयर किनबेच हुँदा कारोबार रकम ६ अर्ब २५ करोड ७२ लाख माथि पुगेको छ ।
आज होटल तथा पर्यटन, म्युचुअल फण्ड र ट्रेडिङबाहेकका सबै समुहको परिसुचक उकालो लागेका छन् । आज कारोबारमा आएकामध्ये कुल १ सय ७१ कम्पनीको सेयरमूल्य उकालो लाग्दा ६८ कम्पनीको सेयरमूल्य भने ओरालो लागेको छ ।
