काठमाडौं । भाटभटेनी सुपर स्टोरले यस वर्ष आफ्ना नियमित ग्राहकलाई २२ करोड रुपैयाँभन्दा बढीको गिफ्ट भौचर प्रदान गर्ने घोषणा गरेको छ। भाटभटेनी क्लबका सदस्यहरूले पाउने यो गिफ्ट भौचर देशभरिका २७ वटा शाखाहरूमा कुनै पनि सामग्री खरिद गर्न प्रयोग गर्न सकिने छ।
भाटभटेनी क्लबमा आबद्ध लाखौं ग्राहकहरूमध्ये १ लाख ९ हजार ५ सय २९ जनाले यो गिफ्ट भौचर प्राप्त गरेका छन्। क्लबका सदस्यहरूले न्यूनतम १ हजार ३ सयदेखि अधिकतम २ लाख रुपैयाँसम्मको गिफ्ट भौचर प्राप्त गरिसकेको प्रमुख सञ्चालन अधिकृत (सीओओ) पानु पौडेलले जानकारी दिए।
कूल २२ करोड ५२ लाख ४९ हजार ३ सय २४ रुपैयाँ बराबरका गिफ्ट भौचरहरू माघ ६ गतेदेखि फागुन ९ गते २०८१ सम्म वितरण गरिने छ। भाटभटेनीले आफ्ना ग्राहकलाई विभिन्न सुविधाका प्याकेजहरू समय(समयमा प्रदान गर्दै आएको र चाडपर्वका अवसरमा विशेष छुटका योजना पनि ल्याउँदै आएको पौडेलले बताए।
