काठमाडौं । विद्युतीय सवारी साधन (ईभी) विक्रेता एमएडब्लू ग्रुपले फोटोन ग्लोबल अवार्ड्स २०२४ मा दुई प्रमुख सम्मान प्राप्त गरेको छ। कम्पनील्े विश्वव्यापी मञ्चमा कम्पनीको नेतृत्व र क्षमताको उच्च मूल्यांकन भएको प्रमाणित गरेको हो ।
कार्यक्रममा एमएडब्लू ग्रुपका प्रबन्ध निर्देशक विष्णु कुमार अग्रवाललाई ‘लिडरशिप इन न्यु इनर्जी प्रोमोसन अवार्ड २०२४’ प्रदान गरियो। यस अवार्डले नेपालमा फोटोन ईभी सवारी साधनहरूलाई प्रोत्साहन गरी दिगो ऊर्जा समाधानतर्फ राष्ट्रको अग्रगमनमा खेलेको भूमिकालाई मान्यता दिएको छ।
त्यस्तै, एमएडब्लू वृद्धी कमर्शियलका सीईओ तुषार गुप्ताले ‘एक्सेलेन्स इन सेल्स अवार्ड २०२४’ प्राप्त गरे। यो सम्मान नेपालमा ईभी भ्यानको सफल बिक्री तथा यस क्षेत्रमा अपनाइएका नवीन रणनीतिहरूको उच्च प्रशंसा हो।
अवार्ड कार्यक्रममा सम्मानहरू फोटोन ग्रुपका उपाध्यक्ष र ओभरसिज बिजनेसका अध्यक्ष फू जुनले प्रदान गरे। प्रतिष्ठित व्यक्तित्वबाट पाएको यो मान्यताले एमएडब्लू ग्रुपको ईभी क्षेत्रमा विश्वव्यापी प्रभावलाई अझ मजबुत बनाएको छ।
