काठमाडौं । नेपाल धितोपत्र बोर्ड (सेबोन)ले गार्डियन माइक्रो लाइफ इन्स्योरेन्स कम्पनीलाई आईपीओ निष्कासनको स्वीकृति प्रदान गरेको छ । आइतबार बोर्डको बैठकले उक्त कम्पनीलाई ७५ लाख कित्ता सेयर निष्कासनको स्वीकृति दिएको हो ।
कम्पनीले स्वीकृति पाएकोमध्ये सर्वसाधारणलाई ३० प्रतिशत अर्थात् २२ लाख ५० हजार कित्ता सेयर जारी गर्नेछ भने बाँकी ७० प्रतिशत संस्थापक समूहका लागि जारी गर्नेछ ।
गत वर्षको पुस २० गतेदेखि सेबोनका तत्कालिन अध्यक्ष रमेश हमालको कार्यकाल सकिएसँगै त्यसयता रिलायन्स स्पिनिङ मिल्सबाहेक कुनै कम्पनीलाई आइपीओ निष्कासनको अनुमति दिईएको छैन । तर, बुक बिल्डिङमार्फत आईपीओको स्वीकृति पाएको रिलायन्सको आइपीओ पनि विवादित बनेको थियो।
