काठमाडौं । पछिल्लो समय नेपाल स्टक एक्सचेन्ज (नेप्से) परिसुचक लगातार ओरालो लागिरहेको छ । साताको अन्तिम दिन ‘बिहीबार’समेत नेप्से दोहोरो अंकले घटेको हो । कारोबार समयको सुरुवातिदेखि उत्तारचढाव भईरहेको नेप्से अन्तिम समयमा १८.२५ अंकले घट्दै २६ सय २७ को विन्दुमा ओर्लिएर रोकिएको छ ।
आज कुल ३ सय १७ कम्पनीका १ करोड २२ लाख ८३ हजार बढी कित्ता सेयर किनबेच हुँदा कारोबार रकम ५ अर्ब ४१ करोड ९१ लाख रुपैयाँ नाघेको छ ।
आज कारोबारमा आएकामध्ये जलविद्युत बाहेकका सबै समुहको परिसुचक ओरालो लागेका छन् । जसका कारण आज १ सय ७० कम्पनीको सेयरमुल्यमा गिरावट आउँदा ६७ कम्पनीको सेयरमूल्य मात्रै उकालो लागेको छ । बिहीबार एनएलजी इन्स्योरेन्सको सबैभन्दा बढी ३४ करोड रुपैयाँ बराबरको सेयर कारोबार भएको छ
