काठमाडौं । वुलिङ बिंगुओ ईभीले दशैंको पूर्व सन्ध्यामा एक्सचेन्ज अफर सार्वजनिक गरेको छ । कम्पनीले ३० लाख रुपैयाँभन्दा कम मूल्यका विद्युतीय सवारी किन्ने ग्राहकहरूका लागि डिजाइन गरिएको उक्त अफर आफ्नो नक्सालस्थित सोरुममा विशेष सीमित समयको लागि भन्दै सार्वजनिक गरेको हो ।
उक्त अफर अक्टोबर १ देखि अक्टोबर ६, २०२४ सम्म मात्र लागू हुनेछ कम्पनीले जानकारी दिएको छ । चाडपर्वको समयमा, ग्राहकहरूले आकर्षक एक्सचेन्ज दरको फाइदा उठाएर वुलिङ बिंगुओ ईभी किन्न सक्नेछन् ।
वुलिङ बिंगुओ ईभीले आराम र सुरक्षाका लागि अत्याधुनिक प्रविधिहरू प्रयोग गरेको छ । यसमा फराकिलो इन्टरनल डिजाइन, नवीनतम इन्फोटेनमेन्ट प्रणाली, र उन्नत ब्याट्री कार्यक्षमता रहेको छ, जसले यो सवारीलाई परिवार र व्यक्तिगत प्रयोगकर्ताहरूका लागि आदर्श बनाउँछ । यसबाहेक, यो सवारी तुरुन्तै वितरणका लागि उपलब्ध छ, जसले दशैंको चाड मनाउन चाहनेहरूका लागि सुविधाजनक विकल्प प्रदान गर्दछ ।
यो सवारी साधनमा ८ वर्ष वा १ लाख २० हजार किलोमिटर ब्याट्री वारेन्टी र ३ वर्ष वा १ लाख किलोमिटर मोटर तथा उच्च भोल्टेज कम्पोनेन्टहरूको वारेन्टी रहेको छ ।
‘हामी नेपालमा विद्युतीय सवारीको पहुँचलाई सजिलो बनाउन यो विशेष एक्सचेन्ज अफर सुरु गर्न पाउँदा निकै उत्साहित छौँ’, वुलिङ बिंगुओ ईभीका प्रवक्ताले भने, ‘वुलिङ बिंगुओ ईभी नवप्रवर्तन, सुरक्षा र किफायतीपनको एक उत्कृष्ट संयोजन हो । हामी सबैलाई हाम्रो सोरुममा आउन र दशैं अघि नै विद्युतीय सवारी साधनमा अपग्रेड गर्न आग्रह गर्दछौं ।’
यो योजनामा कम्पनीले पुरानो सवारी साधन दिएर वुलिङ बिंगुओ ईभी किन्ने ग्राहकहरूलाई पाँचतारे होटलमा दुईजनाका लागि डिनरको सुविधा दिने बताएको छ ।
