काठमाडौं । नेपालका लागि चांगन तथा दिपलको आधिकारिक विक्रेता एमएडब्लु वृद्धि अटोकर्पले आगामी ३१ भाद्रदेखि ३ असोज सम्म काठमाडौं, गैरीधारास्थित सिल्भरओकमा दिपल एक्सचेन्ज कार्निभल गर्ने भएको छ । ग्राहकले आफ्नो कुनै पनि ब्रान्डका पुरानो गाडीलाई साटेर नयाँ ‘इन्टेलिजेन्ट, लक्जरियस र फस्ट–टाइम–इन’ नेपाल ‘फिचर–लोडेड’ दिपालका इभीहरु खरिद गर्न सक्नेछन् ।
दिपल एक्सचेन्ज कार्निभलमा ग्राहकले प्रि–बजेट मूल्य अर्थात ७१ लाख ९९ हजार रुपैयाँमा दिपालको निकै रुचाइएको प्रिमियम इभी एस०७ खरिद गर्न सक्नेछन् । यसका लागि ग्राहकले नेपालकै टप ६ रिकन्डिसन हाउसबाट आफ्नो पुरानो गाडीको बेस्ट भ्यालुएसन पनि पाउने भएका छन् ।
साथै, ग्राहकहरुलाई थप एक्सचेन्ज बोनस पनि उपलब्ध हुने कम्पनीले जानकारी दिएको छ । यसबाहेक, एक्सचेन्ज कार्निभलमा अनस्पट डेलिभरी, अनस्पट फाइनान्स र फ्रि एसेसोरिज पनि उपलब्ध हुनेछ । ३ किलोवाटको ट्राभल चार्जर र ७ किलोवाटको होम चार्जर पनि सँगै पाइने कम्पनीले जानकारी दिएको छ ।
