काठमाडौं । साताको चौथो कारोबार दिन बुधबार नेपाल स्टक एक्सचेन्ज (नेप्से) परिसुचक ३.८० अंकले बढेको छ । यसदिन मध्यतिर उच्च अंकले बढेको नेप्से पछि ओरालो लाग्दै सामान्य अंकले बढेर २७ सय ८६.४० को विन्दुमा पुगेर रोकिएको हो ।
आज कारोबार अवधिभर ३ सय २६ कम्पनीका ३ करोड ५० लाख ७ हजार बढी कित्ता सेयर किनबेच हुँदा कारोबार रकम १३ अर्ब ७२ करोड ७३ लाख माथि पुगेको छ ।
आज दिनभर ७ समुहको परिसुचक उकालो लाग्दा बाँकी ६ समुहको परिसुचक भने ओरालो लागेको छ । आज १ सय ४२ कम्पनीको सेयरमुल्य ओरालो लाग्दा ९८ कम्पनीको सेयरमूल्य भने बढेको छ ।
