काठमाडौं । नेपाल स्टक एक्सचेन्ज (नेप्से) परिसुचक बुधबार सामान्य अंकले उकालो लागेको छ । कारोबार समयको सुरुवातिदेखि उत्तारचढाव भईरहेको सेयर बजार सुस्ताउँदा आज परिसुचक २.११ अंकले बढेर २९६८ को विन्दुमा पुगेको हो ।
बुधबार कुल ३ सय ३७ कम्पनीका ४ करोड १४ लाख ५४ हजार बढी कित्ता सेयर किनबेच हुँदा कारोबार रकम पनि सुस्ताएर १८ अर्ब ९० करोड ६३ लाख रुपैयाँमा सीमित भएको छ ।
आज विभिन्न ५ समुहबाहेक अन्य सबै समुहको परिसुचक ओरालो लाग्दा ९९ कम्पनीको सेयरमुल्य मात्रै बढेको छ । बाँकी १ सय ४० कम्पनीको सेयरमुल्य भने ओरालो लागेको छ ।
