काठमाडौं । सोमबार नेपाल स्टक एक्सचेन्ज (नेप्से) परिसुचक दोहोरो अंकले बढ्दै उच्च कारोबारसहित बन्द भएको छ । कारोबार समयको सुरुवातिदेखि तिव्र उत्तारचढाव भईरहेको नेप्से अन्तिम समयमा ४०.७६ अंकले बढ्दै २७ सय ९६.३८ को विन्दुमा पुगेर रोकिएको हो ।
आज कारोबार अवधिभर ३ सय २६ कम्पनीका ४ करोड ९७ लाख ७३ हजार बढी कित्ता सेयर किनबेच हुँदा कारोबार रकम २१ अर्ब ८६ करोड ४९ लाख ९३ हजार माथि पुगेको छ ।
आज कारोबारमा आएकामध्ये ७ समुहको परिसुचक उकालो लाग्दा बाँकी समुहको परिसुचकमा गिरावट आएको छ । जसका कारण सोमबार १ सय ६३ कम्पनीको सेयरमूल्य उकालो लाग्दा ७८ कम्पनीको सेयरमूल्य घटेको छ । आज कारोबारमा आएकामध्ये १० कम्पनीको सेयर कारोबार सर्किट लेभलमा भएको छ ।
सोमबार सेयर कारोबारमा आएकामध्ये हिमालयन रि इन्स्योरेन्सको सबैभन्दा बढी १ अर्ब २६ करोड रुपैयाँ बराबरको सेयर कारोबार भएको छ ।
