काठमाडौं । मंगलबार राजनीतिक उथलपुथलसँगै उच्च उत्तारचढाव भएको सेयरबजारमा उत्साह देखिएको छ । सोमबार र मंगलबार बिहानै सरकार परिवर्तनको चर्चासँगै कारोबारको पहिलो १ घण्टामा दुईपटकसम्म सर्किट ब्रेक लागेको नेप्से अन्तिम समयमा ४७.०४ अंकले बढेर बन्द भएको हो ।
आज कारोबार अवधिभर ३ सय १५ कम्पनीका १ करोड १६ लाख ४५ हजार कित्ता सेयर किनबेच हुँदा कारोबार रकम ४ अर्ब ५७ करोड ६८ लाख रुपैयाँ नाघेको छ ।
आज सेयर बजारमा उत्साह छाएसँगै सबै समुहको परिसुचकमा हरियाली छाएको छ । यसरी आज २ सय २७ कम्पनीको सेयरमूल्यमा वृद्धि हुँदा १७ कम्पनीको सेयरमूल्य मात्रै ओरालो लागेको छ ।
