काठमाडौँ । वीरगञ्जस्थित स्काइलाइन मलमा मधेस प्रदेशकै पहिलो केएफसी रेस्टुरेन्ट वीरगञ्जमा सञ्चालनमा आउने भएको छ । खानपिनको क्षेत्रमा विश्वकै लोकप्रिय केएफसी वीरगञ्जमा सञ्चालनमा आउन लागेको हो ।
नेपालमा यस रेस्टुरेन्टको लागि इजाजत पत्र प्राप्त फ्रान्चाइजी संस्था देवयानी इन्टरनेशनल नेपाल प्राइवेट लिमिटेडले वीरगञ्जको प्रमुख व्यवसायी केन्द्र आदर्शनगरस्थित स्काइलाइन मलमा सञ्चालनमा आउन लागेको छ । केएफसी वीरगञ्जको सोमवार उद्घाटन गर्ने तयारी रहेको सञ्चालकहरूले बताएका छन् ।
केएफसीले विभिन्न परिकारका स्वाद र भोजनको अनुभवलाई अझ यादगर बनाउने सञ्चालकहरूको विश्वास छ । यहाँ हट एण्ड क्रिस्पी चिकेनदेखि लिएर स्वादिष्ट चिकेन पपकर्न, चिकेन स्ट्रिप्स, र जिङ्गर बर्गरसम्म सबै केएफसी आइटम उपलब्ध हुनेछन् । साथै केएफसीको प्रख्यात केएफसी बकेट पनि पाउने छ ।
रेस्टुरेन्टले ग्राहकहरूलाई भोजन गर्न स्वच्छता र सुरक्षाको उच्चतम मापदण्ड कायम गर्ने कार्यमा कुनै कसर बाँकी नराख्ने सञ्चालकहरूको भनाई छ । केएफसी रेस्टुरेन्ट बिहान १० बजे देखि राति १० बजेसम्म खुल्ला रहने र २१३५ स्क्वायर फीट कभर गरी ४४ जना मान्छे समायोजन गर्ने जनाइएको छ ।
स्काइलाइन मलमा केएफसीसँगै आइसक्रिमका लागि चर्चित ब्रान्ड “क्रिम बेल” पनि सञ्चालनमा आउने भएको छ र विभिन्न परिकारका पिज्जाका लागि विश्व प्रख्यात “पिजा हट”, छिट्टै सञ्चालनमा आउने सञ्चालकहरूले बताएका छन् ।
मलमा झन्डै ६ महिनादेखि नेपाल कै सबैभन्दा लोकप्रिय सिनेमा हल क्यूएफएक्स पनि सञ्चालित छ । त्यसतै केही दिन भित्रै मलमा विश्व चर्चित होटेल चेन सरोभर पोर्टीको पनि खुल्ने मलका सञ्चालक प्रतीक अग्रवालले बताए ।
