काठमाडौं । सामसङ नेपालले ग्यालेक्सी ‘एस २४’ स्मार्टफोनको नेपालमा प्रि–बुकिङ खुला गरेको छ । ग्यालेक्सी एस २४ अल्ट्रा, ग्यालेक्सी एस २४ प्लस र ग्यालेक्सी एस २४ को प्रि–बुकिङ खुला गरिएको सामसङले जानकारी दिएको छ । आर्टिफिसियल इन्टेलीजेन्स (एआई)ले ग्यालेक्सी एस २४ सिरिजको हरेक अनुभवलाई अझै राम्रो र सहज बानाउने कम्पनीको दाबी छ ।
कम्पनीका अनुसार इन्टेलिजेन्ट टेक्स्ट र कल ट्रान्स्लेशनको साथै कुनै रुकावटविना कुराकानीदेखि ग्यालेक्सीको प्रोभिजुअल इन्जिनसम्मका सेवा यी फोनमा उपलब्ध छन् ।
साथै आफ्नो सिर्जनात्मक स्वतन्त्रतालाई अधिकतम बढाउन सकिने कम्पनीले जनाएको छ । ‘ग्यालेक्सी एस २४ले संसारसँगको हाम्रो सम्बन्धलाई परिवर्तन गर्छ र मोबाइलको आविष्कारको आउँदो दशकलाई प्रज्वलित गर्छ’, सामसङ नेपालका निर्देशक प्रणय रत्न स्थापितले भने, ‘ग्यालेक्सी एआई हाम्रो नवप्रवर्तन सम्पदा र मानिसहरूले आफ्नो फोन कसरी प्रयोग गर्छन् भन्ने गहिरो बुझाइबाट निर्माण गरिएको छ ।’
विश्वभरका प्रयोगकर्ताहरूले नयाँ सम्भावनाहरू खोल्न ग्यालेक्सी एआईमार्फत आफ्नो दैनिक जीवनलाई सशक्त बनाउन सक्ने उनको भनाइ छ ।
प्रि–बुकिङका लागि सामसङ स्टोरमा गएर ५ हजार रुपैयाँ तिर्नुपर्ने कम्पनीले जनाएको छ ।
नेपाली बजारमा ग्यालेक्सी एस २४ अल्ट्राको मूल्य १ लाख ८४ हजार ९९९ रुपैयाँबाट शुरू हुनेछ। ५१२ जीबी स्टोरेज भएको अल्ट्राको मूल्य भने १ लाख ९९ हजार ९९९ रुपैयाँ रहेको छ।
अन्य दुई भेरियन्ट भने एउटै स्टोरेज विकल्पमा रहेका छन्। ग्यालेक्सी एस २४ प्लसको मूल्य १ लाख ४२ जार ९९९ रुपैयाँ र ग्यालेक्सी एस २४ को मूल्य १ लाख १९ हजार ९९९ रुपैयाँ रहेको छ।
किस्ता सुविधा पनि खरिद गर्न सकिने सामसङले जानकारी दिएको छ।
सामसङका यी नयाँ फोनमा एआई लोडेड रहेका छन्। पछिल्लो समय आएको एआईको विकासलाई सामसङले स्मार्टफोनमै सामावेश गरेको छ। एआई नोट असिस्ट, च्याट असिस्ट, इन्टरप्रेटर, फोटोमोजिस, सर्कल टू सर्च र रियल(टाइम भाषा अनुवाद जस्ता फिचरहरू फोनमा रहेका छन्।
