काठमाडौं । साताको अन्तिम कारोबार दिन बिहीबार सेयर बजार सामान्य घटेर बन्द भएको छ । बिहीबार सेयर बजार मापक नेप्से सूचक ७.२४ अंकले घटेर २१५५.८२ बिन्दुमा आइपुगेको छ । बुधबार पनि सेयर बजार घटेको थियो ।
बिहीबार ८ अर्ब १७ करोड ४९ लाख ८६ हजार २८२ रुपैयाँ बराबरको सेयर कारोबार भएको छ । आज २ सय ९८ कम्पनीको २ करोड ११ लाख २५ हजार ७७६ किकित्ता सेयर ३ लाख ४ हजार २३ पटक किनबेच भएको छ ।
बिहीबार कारोबारमा आएको १ सय १२ कम्पनीको सेयर मूल्य बढेको छ । जसमध्ये ४ कम्पनीको सेयर मूल्यमा सकारात्मक सर्किट लागेको छ । कारोबारमा आएको ३ कम्पनी उपसमूहको सेयर मूल्य बढेको छ । बाँकी १० उपसमूहको सेयर मूल्य घटेको छ ।
बिहीबार सबैभन्दा धेरै हिमालयन रि–इन्स्योरेन्स कम्पनीको सेयर खरिद बिक्री भएको छ । यस कम्पनीको ३० लाख ४४ हजार ७ सय २ कित्ता सेयर १ अर्ब ८४ करोड ४२ लाख ३७ हजार ३२८ रुपैयाँमा किनबेच भएको छ ।
