काठमाडौं । सामसङले आफ्नो ग्राहकहरुको नयाँ वर्ष अझ बढी खास बनाउने योजनाका साथ नयाँ अफर ल्याएको छ ।
सामसङले आफ्नो सर्वाधिक बिक्रीको सूचीमा रहेका ५ वटा मोबाइलहरु ग्यालेक्सी ए३४ फाइभजी, ग्यालेक्सी ए०४एस, ग्यालेक्सी ए०४, ग्यालेक्सी एम१४ फाइभजी र ग्यालेक्सी एम०४ को प्रचलित मुल्य कम गर्ने घोषणा गरेको हो ।
सामसङले यी मोबाइलहरुको मुल्यमा दुई हजार रुपैयाँ कम गरेर उपलब्ध गराउने भएको छ । नयाँ मूल्यसूची अनुसार अब ग्यालेक्सी ए३४ फाइभजीको मूल्य ४३ हजार ९९९, ग्यालेक्सी ए०४एसको १९ हजार ९९९, ग्यालेक्सी ए०४ ४/६४ जिबीको १४ हजार ९९९, ग्यालेक्सी एम१४ फाइभजीको १२ हजार ९९९ र ग्यालेक्सी एम०४ ४/१२८ जिबीको १५ हजार ९९९ रुपैयाँ रहेको छ ।
