काठमाडौं । नेपाल रत्न तथा आभुषण संघका ५६ सदस्यीय टोली बुधवार भारततर्फ लागेका छन् । साउन २० गते देखि भारतको मुम्वइमा आयोजना हुन लागेको इण्डिया इन्टरनेशनल ज्वेलरी शो २०१६ मा भागलिन त्यसतर्फ लागेका हुन् ।
टोलि अध्यक्ष मनिष लाल प्रधानको नेतृत्वमा भारत प्रस्थान गरेको बताइएको छ । नेपालले करीव रु. २ अर्व बरावरको पत्थर छिमेकी मुलुकवाट आयात गरि आएको परिप्रेक्षमा यस्तो व्यापारिक मेलाको आयोजना हुनु दुवै देशका व्यवसायीहरुको लागि हितकारी हुने देखिएको भन्दै मेलामा सहभागी भएकोे अध्यक्ष मनिष लाल प्रधानले बताए ।
मेलामा वाणिज्य विभागका महानिर्देशक शम्भु कोइराला र आपूर्ति व्यवस्थापन तथा उपभोक्ता हित संरक्षण विभागका महानिर्देेशक गोकुलप्रसाद धिताललाई अतिथीको रुपमा निमन्त्रणा आएकोले उनीहरु पनि सहभागी हुने कार्यक्रम छ ।
भ्रमणवाट नेपालमा वन्दै गरेको सुन चाँदी , गर गहना, ज्वहारत सम्वन्धि नीति नियमको तर्जुमामा ठोस योगदान पुग्ने अपेक्षा गरिएको छ । ‘यस भ्रमणवाट हामीले मित्र राष्ट्र भारतको रत्न तथा आभुषण क्षेत्रको व्यवसायिक प्रगति एवं विकास वारे धेरै कुरा सिक्न र वुभ्mन सक्ने छौ’ संघद्धारा जारी प्रेस विज्ञप्तिमा उल्लेख छ ‘साथै नेपालको रत्न तथा आभुषण क्षेत्रको प्रगति एवं विकासमा यो अवलोकन भ्रमणले ठूलो प्रेरणा एवं उत्साह प्रदान गर्ने आशा गरिएको छ ।’
नेपालको २४ क्यारेटको गहना भारत तर्फ निकासी हुने संभावना प्रवल भएकोले दुई पक्षको बैठकमा यसवारे कुरा राखिने बताइएको छ । साथै नेपालमा पत्थरको खानी भएकोले जेम कटिङ्ग इण्डष्ट्रिज जोइन्ट भेन्चर विषयमा नेपाली पक्षले भारतको जिइएम काउन्सिललाई प्रस्ताव राखिने विषयमा पनि संघले जनाएको छ ।
