नेपाल पुनर्बीमा कम्पनीले ३० करोड ६५ लाख रुपैयाँ खुद नाफा आर्जन गरेको छ । यो रकम आर्थिक वर्ष २०७१/७२ को तुलनामा ३७ प्रतिशतले बढी हो । कम्पनीले आव २०७१/७२ मा १९ करोड ४१ लाख रुपैयाँ नाफा आर्जन गरेको थियो ।
पुनर्बीमा कम्पनीमा सरकार र बीमा कम्पनीहरुको लगानी रहको संस्था हो । तत्कालिन आकस्मिक बीमा कोषलाई सरकाले पुनर्बीमा कम्पनीमा परिणत गरेको हो ।
गत आर्थिक वर्षमा कम्पनीले ४८ करोड ६२ लाख रुपैयाँ पुनर्बीमा शुल्क आर्जन गरेको छ । पुनर्बीमा कमिशन आय ४१ करोड रुपैयाँ छ । त्यस्तै कम्पनीले लगानी, कर्जा तथा अन्यबाट दुई करोड ४२ लाख रुपैयाँ आम्दानी गरेको छ । यो वर्ष कम्पनीले चार करोड ११ लाख रुपैयाँ दावी भुक्तानी गरेको परिपोर्टमा उल्लेख छ । साथै अव ११ करोड ५५ लाख दावी भुक्तानी गर्न बाँकी छ ।
