बिजखबर संवाददाता
७ पुस, काठमाडौं । सोमबार पनि नेप्से परिसुचक ११ दशमलव १७ अंकले घटेको छ । बजार खुलेदेखि ओरालो लागेको नेप्से परिसुचक ८ सय ८५ दशमलव ४४ अंकमा आएर अडिएको छ ।
सोमबार बजारमा सवैभन्दा बढी होटल समुहको परिसुचक ओरालो लागेको छ । उक्त समुहको परिसुचक ५२ दशमलव १२ अंकले घटेको छ भने बीमा समुहको परिसुचक २१ दशमलव ७३ अंकले घटेको छ । सेयर बजारमा प्रभाव पार्ने बैंकिङ समुहको परिसुचक पनि १३ दशमलव ९५ अंकले घटेको छ ।
बैंकिङ समुहको परिसुचक उच्च रुपमा ओरालो लागेपछि समग्र नेप्से परिसुचक पनि ओरालो लागेको हो । सोमबार सवै समुहका परिसुचक ओरालो लागेको छ ।
सोमबार बजारमा कोरोवार रकम पनि बढ्न सकेन । दिनभर कुल १४ करोड ७२ लाख रुपैयाँको २ लाख ७३ हजार कित्ता सेयर मात्र कारोवार भएको छ ।
