काठमाडौं । अब २५ लाख रुपैयाँसम्मको अटो लोनमा १०० प्रतिशत जोखिमभार गणना गर्नुपर्ने व्यव्सथा लागू भएको छ । नेपाल राष्ट्र बैंकले सार्वजनिक गरेको एकिकृत निर्देशिका अनुसार अब उक्त व्यवस्था कार्यान्वयनमा आएको हो ।
सबैजसो व्यक्तिगत हायरपर्चेज कर्जा र व्यक्तिगत अटो लोनमा १५० प्रतिशत जोखिम भार लाग्दै आएकामा अव भने २५ लाखसम्मको अटो कर्जामा यो नलाग्ने भएको छ ।
यसअघि गत आईतबार चालु आर्थिक बर्षका लागि मौद्रिक नीति सार्वजनिक गर्दै राष्ट्र बैंकले हायरपर्चेज कर्जाको जोखिम भारमा हेरफेर गर्ने बताएको थियो ।
जसअनुसार आज एकिकृत निर्देशन जारी गर्दै अब २५ लाख रुपैयाँ माथिको हायरपर्चेज कर्जामा १५० प्रतिशत र २५ लाख रुपैयाँसम्मको कर्जामा भने १०० प्रतिशत मात्रै जोखिम भार गणना गर्न पाईने व्यवस्था गरेको हो ।
