नेपाल घरेलु तथा साना उद्योग महासंघको अध्यक्षमा श्याम गिरी निर्वाचित भएका छन् । काठमाडौंमा मंगलवार सम्पन्न महासंघको २३ औं राष्ट्रिय महाधिवेशनले अध्यक्षमा गिरी सहित सवै पदाधिकारी र सदस्यको निर्विरोध निर्वाचित गरेको हो । गिरी यसअघि महासंघको वरिष्ठ उपाध्यक्ष थिए ।
महाधिवेशनले वरिष्ठ उपाध्यक्षमा उमेश प्रसाद सिंहलाई निर्वाचित गरेको छ । त्यसैत, साना उद्योगतर्फमो उपाध्यक्षमा विष्णु बहादुर लुईटेल, घरेलुतर्फको उपाध्यक्षमा पूर्ण बहादुर भण्डारी, लघुतर्फको उपाध्यक्षमा चन्दनकृष्ण श्रेष्ठ, महिला उद्यमीतर्फको उपाध्यषमा शोभा गूर, वस्तुगत उपाध्यक्षमा मोहन कटवाल र एसोसिएट उपाध्यक्षमा कुमार गिरी निर्वाचित भएका हुन् ।
त्यस्तै, प्रदेश एकमा राजेश कोइराला, प्रदेश दुईमा सत्यय नारायाण अग्रवाल, प्रदेश ३ मा सुर्य बहादुर कंडेल, प्रदेश ४ मा हरिहर थापा, प्रदेश ५ नेत्रप्रसाद पाठक, प्रदेश ६ चन्द्र बहादुर विसी, प्रदेश ७ प्रकाश बहादुर रावल र उपत्यका हेर्ने उपाध्यक्षमा प्रकाश बहादुर कायस्थ निर्वाचित भएका हुन् । महाधिवेशनले महासंघको महासचिव डम्बर प्रसाद रेग्मी, कोषाध्यषमा सत्य नारायण प्रजापति, सचिवमा प्रमिला वस्नेत र सहकोषाध्यक्षमा शंकर प्रसाद आचर्यलाई निर्विरोध निर्वाचित गरेको हो ।
महाधिवेशनले केन्द्रिय महिला उद्यमी समितिको सभापतिमा अञ्जु उपाध्यय सिपालाई निर्वाचित गरेको छ । समितिको उप सभापतिमा रोश्नी उपाध्यय, सचिवमा शान्ता बास्कोटा कोइराला, कोषाध्यक्ष लक्ष्मी गिरी, सह सचिव रिता प्रजापति अवाल र सहकोषाध्यक्ष पुष्कर लक्ष्मी श्रेष्ठ निर्वाचित भएको महासंघले जनाएको छ ।
