काठमाडौं । बैंक ब्याजदर घट्ने खबरले बुधबार एकाएक उच्च अंकले बढेको नेपाल स्टक एक्सचेन्ज (नेप्से) परिसुचकको उकालो यात्रा पुनः रोकिएको छ । बुधबार ९२ अंकले उकालो लागेको नेप्से आज २९.०७ अंकले घटेको हो ।
कारोबार समयको सुरुमै तिव्र उत्तारचढाव भएको नेप्से अन्तिम समयमा उच्च अंकले घट्दै १९ सय ३४ को विन्दुमा पुगेर बन्द भएको छ ।

आज कुल २ सय ७० कम्पनीका ४९ लाख १३ हजार ७ सय २ कित्ता सेयर किनबेच हुँदा कारोबार रकम १ अर्ब ६५ करोड ३३ लाख रुपैयाँमा सीमित भएको छ । आज दिनभरको कारोबारमा १ सय ८६ कम्पनीको सेयरमूल्यमा गिरावट आएको छ भने बाँकी २८ कम्पनीको सेयरमूल्य बढेको छ । बढेका कम्पनीमध्ये पनि ३ कम्पनीको सेयरमूल्यमा सकारात्मक सर्किट लागेको छ ।