काठमाडौं । महालक्ष्मी विकास बैंक र मनकामना दर्शन प्रालिबीच सम्झौता भएको छ । महालक्ष्मी विकास बैंकका डेविट तथा क्रेडिट कार्ड प्रयोग गर्ने ग्राहकहरुले कुरिनटार स्थित सञ्चालित केबुलकार सेवामा विशेष छुट पाउनेगरी दुई निकायबीच उक्त सम्झौता भएको हो । सम्झौता अनुसार बैंकका ग्राहकहरुले उक्त केबुलकार सेवामा १० प्रतिशत छुट पाउनेछन् ।
यस किसिमको सहकार्यबाट बैंकका डेविट तथा क्रेडिट कार्ड प्रयोग गर्ने ग्राहकहरु प्रत्यक्ष रुपमा लाभान्वित हुने विश्वास बैंकले लिएको छ । यसका साथसाथै डिजिटल युगसँग नेपाली जनतालाई साक्ष।तकार गराउने उद्देश्यले बैकले विभिन्न शाखाहरुबाट वित्तीय जनचेतनामुलक कार्यक्रमहरु संचालन गर्दै आएको छ ।
