काठमाडौं । बजारमा नेप्से परिसुचक सामान्य मात्र बढेको छ । बजारमा प्रभाव पार्ने बैंकिङ समुह ओरालो लागेपछि नेप्से परिसुचक समान्य मात्र बढेको हो ।
मंगलबार नेप्से परिसुचक १ दशमलव १४ अंकले मात्र उकालो लागेको छ । बजार खुलेको केही समय उकालो लागेको नेप्से अन्तमा आरोलो लागेको हो ।
बजारमा बीमा, होटल तथा जलविद्युत लगायतका समुह बढ्दा नेप्से परिसुचक उकालो लागको छ । जसमध्ये सवैभन्दा बढी बीमा समुहको परिसुचक १ सय ९१ अंकले उकालो लागेको छ । बीमा समुहको परिसुचक उच्च रुपमा बढेपनि बैंकिङ समुह ओरालो लाग्दा समग्र नेप्से परिसुचक उच्च रुपमा बढ्न सकेन ।
बजारमा प्रभाव पार्ने बैंकिङ समुहको परिसुचक झण्डै ८ अंकले ओरालो लागेको छ भने विकास बैंकल समुहको परिसुचक पनि २ दशमलव ७ अंकले घटेको छ ।
मंगलबार पनि सेयर कारोवार रकम १ अर्ब रुपैयाँ नाघेको छ । दिनभर १ अर्ब ७ करोड रुपैयाँ बरावरको १९ लाख १० हजार कित्ता सेयर खरिद विक्री भएको छ । जसमध्ये सवैभन्दा बढी नेपाल बैंक लिमिटेडको ७ करोड ४६ अर्ब रुपैयाँ बरोवरको सेयर कारोवार भएको छ ।
