बिजखबर संवाददाता
२९ मंसिर, काठमाडौं । सिएट टायरले काभ्रेको बनेपामा आफ्नो सातौं शाखा स्थापना गरेको छ । सिएट टायरको नेपालका लागि आधिकारिक विक्रेता एसटीसी अटो प्रालिले एक कार्यक्रममाबीच बनेपामा उक्त शाखाको स्थापना गरेको हो ।
सोमबार कम्पनीका निर्देशक कृष्णिप्रसाद दुलाल र बनेपा उद्योग वाणिज्य संघका अध्यक्ष शुरकृष्ण बैद्यले संयुक्त रुपमा उक्त शाखाको उद्घाटन गरेका हुन् ।
कम्पनीले यसअघि जनकपुर, हेटौडा, इटहरी, मोरङको उर्लाबारीलगायतका स्थानमा क्याट टायरको शाखा खोलिसकेको छ । दुलालका अनुसार सिएट टायरको डिलरशीप स्थापनाका लागि १० करोड रुपैयाँभन्दा बढी लगानी भएको छ ।
आगामी दिनमा देशभर ४० भन्दा बढी शाखा विस्तार गरिने कम्पनीका निर्देशक दुलालले जानकारी दिए । ‘हामीले क्याट टायरको बजारीकरण तथा शाखा विस्तारलाई द्वुत रुपमा अघि बढाएका छौं,’ उनले भने, ‘आगामी दिनमा यसलाई नेपालको नम्बर १ ब्राण्ड बनाउने छौं ।’ साथै नेपाली बजारमा भित्रिएको केही समयभित्रै यसले नेपालको टायर बजारमा ठूलो हिस्सा ओगट्न सफल भएको कम्पनीको दावी छ ।
सिएटले नेपाली बजारमा स्कुटर, मोटरसाइक, बस, ट्रक र हेभी इक्वीपमेन्टलगायतका सवारीसाधनका लागि आवश्यक टायर विक्री गर्दै आएको छ ।
