काठमाडौं । स्थानीय बजारमा सुनको मुल्य ५५ हजार रुपैयाँ माथी पुगेको छ । केही समय यता प्रतितोला ५४ हजार ५ सयको आसपासमा कारोवार भएको सुन आज ५५ हजार रुपैयाँ पुगेको हो ।
मंगलबारसम्म प्रतितोला ५४ हजार ४ सय रुपैयाँमा कारोवार भएको सुन आज ६ सय रुपैयाँले बढेको नेपाल सुनचाँदी व्यवसायी महासंघले जानकारी दिएको छ ।
बजारमा लामो समय यता चाँदीको मुल्य एकै पटक तोलामा २५ रुपैयाँले बढेको छ । प्रतितोला ५ रुपैयाँदेखि १५ रुपैयाँको हाराहारीमा घटवढ भइरहेको चाँदी आज एकैपटक २५ रुपैयाँले बढेर प्रतितोला ७ सय ७५ रुपैयाँमा कारोवार भइरहेको छ ।
