काठमाडौं । मंगलवार नेप्से परिसुचक २ दशमलव १६ अंकले बढेको छ । सो दिन सेयर बजार १ हजार ३ सय ७७ दशमलव ४२ अंकमा पुगेर बन्द भएको हो ।
मंगलवार बीमा समुहको परिसुचक सवैभन्दा बढी ३९ दशमलव २२ अंकले उकालो लागेको छ । सो दिन फाइनान्स समुह ८ दशमलव ४४ र सेयर बजारमा बढी प्रभाव रहेको बैंक समुहको परिसुचक १ दशमलव ३३ अंकले बढेको हो ।
त्यस्तै उत्पादन समुह ० दशमलव ६२ अंकले बृद्धि भएको छ ।
यता जलविद्युत,होटल,अन्य र विकास बैंक समुहको परिसुचक भनेक्रमशः ९ दशमलव ७५,७ दशमलव ९८,१ दशमलव १८ र ० दशमलव ३५ अंकले ओरालो लागेको छ ।
१ सय २३ कम्पनी कारोवारमा आएका थिए । ति कम्पनीको ९ लाख ७९ हजार कित्ता सेयरबाट ५५ करोड ६० लाखको कारोबार भएको छ ।
