काठमाडौं । नेपाल हाते कागज संघको अध्यक्षमा किरण कुमार डंगोल चयन भएका छन् । संघको १५ औं वार्षिक साधारण सभाले डंगोललाई सर्वसम्मत रुपमा अध्यक्षमा चयन गरेको हो ।
यसैगरी साधारणसभाले सर्वसम्मत रुपमा ११ सदस्यीय कार्यसमिति चयन गरेको छ । संघको उपाध्यक्षमा राधाकृष्ण धौभडेल चयन भएका छन् भने सचिवमा लेटर बहादुर केसी र कोषाध्यक्षमा अन्जना ताम्राकार चयन भएका छन् ।
यसैगरी सदस्यहरुमा भक्त बहादुर बस्नेत, जुनु जोशी, सरस्वती राई, बेनुदास श्रेष्ठ, इश्वर कुमार श्रेष्ठ, पाल्देन शेर्पा र लालहीरा श्रेष्ठ सर्वसम्मत रुपमा चयन भएका छन् ।
