काठमाडौं । शुक्रबार नेपाली बजारमा सुनको मूल्य १ लाख नजिक पुगेको छ । आज सुनको मूल्य बिहीबारको तुलनामा प्रतितोला ९ सय रुपैयाँले बढ्दा यसको मूल्य प्रतितोला ९९ हजार ९ सय रुपैयाँ पुगेको हो ।

नेपाल सुनचाँदी व्यवसायी महासंघका अनुसार बिहीबार नेपाली बजारमा सुन प्रतितोला ९९ हजार रुपैयाँमा कारोबार भईरहेको थियो । यस्तै आज चाँदीको मूल्य भने स्थिर छ । बिहीबा प्रतितोला १३ सय ८० रुपैयाँमा कारोबार भएको चाँदीको मूल्य आज पनि सोही अनुसार नै छ ।

पछिल्लो समय युरोपीय देश युक्रेन र रुसबीचको युद्धका कारण अन्तरराष्ट्रिय बजारमा सुन, चाँदी, पेट्रोलियमलगायतको मूल्य अचाक्ली बढेको छ ।