काठमाडौं । आइएमइले ल्याएको चाडपर्व अफर ‘आइएमई डबलको डबलको डबल’ अफरको विजेता जिवेश दाहाल बनेका छन् । प्रविधिमा आधारित लक्की ड्र मार्फत सार्वज्निक गरिएको नतिजा अनुसार आइएमईका सेवाग्राही जिवेश दाहाल भाग्यशाली विजेता छनोट भएका हुन् ।
आइएमई ग्रुपका अध्यक्ष चन्द्रप्रसाद ढकाल, प्रवन्ध निर्देशक हेमराज ढकाल, ब्राण्ड एम्बेसडर दीपकराज गिरि र दीपाश्री निरौलाले संयुक्त रुपमा प्रविधिमा आधारित स्टार्ट बटन क्लिक गरि भाग्यशाली विजेता छनोट गरेका हुन् ।
सेवाग्राही दाहालले उक्त अफर अवधिमा विदेशबाट आइएमई मार्फत नेपालमा रहेका आफ्ना आफन्तलाई १ लाख ५६ हजार ५ सय ५८ रुपैयाँ पठाएका थिए ।
स्किम अनुसार उनले पठाएको रकमको ८ गुणा बढि रकमस्वरुप उनले १२ लाख ५२ हजार ४ सय ६४ रुपैयाँ प्राप्त गरेका छन् ।
उनले प्राप्त गरेको उक्त रकम नेपालमा बस्ने उनकी श्रीमतिलाई हस्तान्तरण गर्ने योजना रहेको ग्रुपका अध्यक्ष चन्द्र प्रसाद ढकालले जानकारी दिए । उनका अनुसार नेपालमा आइएमईको कल्चर स्थापना गरी वैधानीक बाटोबाटा विदेशमा कमाएको पैसा नेपालमा ल्याउन सहयोग पुर्याउने आइएमईले आफ्ना ग्राहकलाई सन्तुष्ट पार्नका लागि भएपनि यस्ता अफरहरु सार्वजनिक गरिरहेको बताए । उनले लक्की ड्रका विजेतालाई बधाई दिँदै उपहार उनकी श्रीमतीलाई हस्तान्तरण गर्ने बताएका हुन् ।
कार्यक्रममा बोल्दै आइएमई ग्रुपका प्रमुख कार्यकारी अधिकृत सुमन पोखरेलले पछिल्लो ३ महिनायता नेपालमा रेमिट्यान्स आप्रवाह खस्किरहेको बताए । उनका अनुसार पैसाभन्दा बस्तु बढि आयात हुन थालेपछि यसको असर रेमिट्यान्स आप्रवाहमा परेको हो ।
