काठमाडौं । पशुपति पेन्ट्सले कलर योर ड्रिम्स चित्रकला प्रतियोगिताको थालनी गरेको छ । यो प्रतियोगितामा भाग लिन इच्छुक व्यक्तिहरुले पशुपति पेन्ट्सको औपचारिक वेबसाइट डब्लुडब्लुडब्लु डट पशुपतिपेन्ट्स डट कम वा फेसबुक डट कम स्ल्यास पशुपतिपेन्ट्समा गएर त्यहाँ उपलब्ध गराइएका घरका नमूनाहरु डाउनलोड गर्न सक्नेछन् ।
यी नमूनाहरु इच्छुक सहभागीले आफ्नो इच्छा अनुसारको कुनै पनि प्रकारको रङमध्ये एकले रंग्याउनुपर्छ ।
एकचोटी रङ्ग भर्ने काम सकिएपछि रङ्गाइएका नमूनाहरुलाई पशुपति पेन्ट्सको औपचारिक फेसबुक पेजमा अपलोड गर्नु पर्नेछ ।
यसरी अपलोड गरिएका नमूना चित्रहरुको निर्णय आर्टूडियोको सहभागितामा आर्किटेक्ट, चित्रकार, र प्रतिष्ठित व्यक्तित्वहरु सम्मिलित एक निर्णायक मण्डलले गर्ने बताइएको छ । साथै हरेक १० दिनमा एक जना विजेताको घोषणा गरिनेछ ।
प्रतियोगिताको अवधि २ महिना हुने भएकोले प्रतियोगिता अवधिभर कूल ६ जना विजेता बन्नेछन् । हरेक विजेताले नगद पुरस्कार स्वरुप ५० हजार रुपैयाँ प्राप्त गर्नेछन् । प्रतियोगितामा १५ वर्षभन्दा माथिका मात्र सहभागी हुन सक्ने बताइएको छ ।
