काठमाडौं । नेपाल धितोपत्र बोर्डले ४ बर्षे रणनीति सार्वजनिक गरेको छ । सेयर बजारको विकास र विस्तारका लागि भन्दै बोर्डले बुधबार १ सय पृष्ठ लामो रणनीति सार्वजनिक गरेको हो । उक्त रणनीतिमा नीतिगत सुधारदेखि प्राविधिक पक्षहरु समेटिएका छन् ।
बोर्डले सार्वजनिक गरेको रणनीतिको पहिलो बुँदामा सरकारी नीति, योजना र कार्यक्रम परेका छन् । जसअन्तर्गत बजारसँग सम्बन्धीत नीति तथा कार्यक्रम र योजनामा बजारको विकास रणनीति समेटिएको छ । सन २०२१ देखि २०२४ सम्मको रणनीतिमा व्यवस्थित जोखिम व्यवस्थापन, नियामकिय तयारी, कर्पोरेट निरिक्षण र दिगोपन, ब्रोकर र बजारको विकासलगायतका विषयहरु समेटिएका छन् ।
यस्तै बजारको अवस्था र व्यवहार, क्षमता निर्माण, बजार पूर्वाधार तथा प्रविधिबीचको सन्तुलनलगायतका विषयहरु पनि उक्त रणनीतिमा समेटिएको बोर्डले जानकारी दिएको छ ।
