काठमाडौं । यातायात व्यवस्था विभागले सवारीचालक अनुमतिपत्र(लाईसेन्स)को लिखित परिक्षामा आउने प्रश्नहरुको संग्रह प्रकाशित गरेको छ । विभागले बुधबार अब हुने लिखित परिक्षामा आउनसक्ने प्रश्नहरुलाई समेटेर ५ सय प्रश्न उत्तरहरुको संग्रह सार्वजनिक गरेको हो ।
विभागले सवारीचालक अनुमतिपत्र परिक्षा संचालन कार्यविधि निर्देशिका २०७७ का आधारमा उक्त प्रश्नहरु सार्वजनिक गरेको हो । यसअघि गत चैत १९ गते मोटरसाईकल, स्कुटर, मोपेड, कार, जिप तथा डेलिभरी भ्यानको लाईसेन्स परिक्षाका लागि भन्दै उक्त निर्देशिका जारी भई स्विकृत भईसकेको छ ।
उक्त निर्देशिकाका आधारमा परिक्षार्थीहरुलाई सोधिने प्रश्नहरुको संगालो पहिले सार्वजकि गरिनुपर्ने र सोही संगालोबाटै प्रश्नहरु पछि परिक्षार्थीहरुलाई सोधिने व्यवस्था छ । अब विभागले लिने लिखित परिक्षामा आज प्रकाशित प्रश्न संग्रहबाट प्रत्येक प्रश्नको ५ अंकका दरले २० प्रश्न सोध्नेछ ।
वर्ग ए र के (मोटरसाईकल, स्कुटर, मोपेड) को प्रश्न पढ्न यहाँ क्लिक गर्नुहोला ।
वर्ग बी (कार, जिप तथा डेलिभरी भ्यान)को प्रश्न पढ्न यहाँ क्लिक गर्नुहोला ।
