काठमाडौं । ललितपुरको लगनखेलमा रहेको ललितपुर मोबाइल कम्प्लेक्समा अब ३ नयाँ अन्तराष्ट्रिय स्तरको मल्टिब्राण्ड शोरुमहरु सञ्चालनमा आउने भएका छन् । सो शोरुमहरुको निर्माण कार्य अन्तिम चरणमा पुगेको बताइएको छ ।
शोरुमको यहि अंग्रेजी नयाँ वर्ष २०१६ को अवसर पारेर शुभारम्भको तयारी भएको मलका अध्यक्ष पुरुषोत्तम बस्नेतले जानकारी दिए । शोरुमको उद्दघाटनसँगै कम्प्लेक्सले मोबाइल खरिदमा रु ३ हजारसम्मको नगद छुट दिएको छ । त्यस्तै कुनैपनि किसिमको एसेसरिजको खरिदमा ३० प्रतिशतसम्म छुट प्रदान गरेको उनले जानकारी दिए ।
कम्प्लेक्समा नेपालकै सबैभन्दा ठूलो मल्टिब्राण्ड शोरुम संचालनमा आईसकेको छ ।
सो शोरुममा एकैपटक ४ हजार जना ग्राहकहरुलाई मोबाइलसम्बन्धि सेवाहरु प्रदान गर्न सकिने बताइएको छ ।
सोरुममा सामसुंग, हुवावे, लाभा, सोनी, माइक्रोसफ्ट, नोकिया, जियोनी, डिटिसी, सेलकोन, कार्बन, आर्क, पानासोनिक लगायत ब्राण्डका विभिन्न मोडलका मोबाइलहरु खरिद गर्न सकिन्छ ।
त्यसैगरी यो शोरुममा विभिन्न किसिमका मोबाइल एसेसरिज पनि उपलब्ध रहेका छन् । मोबाइल कम्प्लेक्समा दोस्रो ठूलो शोरुम एप्पल ब्राण्डको रहेको बताइएको छ ।
त्यसैगरी नेपालमा नै पहिलो पटक १० उत्कृष्ट मोबाइल ब्राण्डका बितरकहरुको संयुक्त लगानीमा बाहिरका साना व्यवसायीहरुलाई होलसेल मूल्यमा नै मोबाइल बिक्री गर्ने उदेश्यका साथ संचालित कम्पनी पनि कम्प्लेक्समा नै संचालनमा आएको छ । कम्प्लेक्समा उच्चस्तरका मोबाइल तथा एसेसरिज खरिद गर्न सकिनेहुँदा ग्राहकहरुले परल मूल्यमा सक्कली सामाग्रीहरु खरिद गर्न सक्नेछन् ।
