काठमाडौं । नेपाल स्टक एक्सचेञ्ज (नेप्से)मा एकैदिन दुई नयाँ रेकर्ड कायम भएको छ । मंगलबार नेप्से परिसुचक करिव २८ सय अंक नजिक पुग्दा सबैभन्दा बढी सेयर कारोबार भई नेप्सेले एकैदिन दुर्ई नयाँ रेकर्ड कायम गरेको हो ।
नेप्सेको इतिहासमा मंगलबार सबैभन्दा बढी ११ अर्ब ३५ करोड रुपैयाँको सेयर कारोबार भएको छ । यसैगरी मंगलबार नै नेप्से परिसुचक सबैभन्दा माथि २७९३.८९ अंकमा पुगेको छ ।
मंगलबार ३४ अंकले बढेको सेयर बजारमा उत्पादनमुलक बाहेक सबै समुहका परिसुचक उकालो लागेका छन् । जसमा सबैभन्दा बढी जीवन बीमा समुहको परिसुचक २०४ अंकले बढे्न पुगेको छ भने कोरोनाका कारण समस्याग्रस्थ बनेको होटल तथा पर्यटन समुहको परिसुचक पनि २०० अंकले उकालो लागेको छ ।
यसैगरी बजारमा सबैभन्दा बढी प्रभुत्व रहेको बैंकिङ समुहको परिसुचक भने ४.७१ अंकले मात्रै उकालो लागेको छ । तर बजारमा विकास बैंक समुहको परिसुचक भने १०० अंकले बढ्न पुगेको छ ।
