काठमाडौं । चिनियाँ स्मार्टफोन कम्पनी साओमीको रेडमी नोट १० श्रृङखलाका तीन मोडलका फोनमा गम्धीर समस्या देखिएको छ । गत महिना भारतमा शुरु गरिएका रेडमी नोट १०, नोट १० प्रो र नोट १० प्रो म्याक्स सिरिजका फोनमा टचस्क्रिनलगायतमा समस्या देखिएको हो ।

प्रविधि सम्वन्धिको चर्चित अनलाइन ९१मोबाईल्स डट कमका अनुसार यी फोनको टच स्क्रिनमा नै गम्भीर समस्या देखिएको छ । पछिल्लो जेनेरेसनकालागि फोनको फिचरमा धेरै अपग्रेड गरेको जनाउने यो कम्पनीको यी सिरिजका फोनको बारेमा धेरै प्रयोगकर्ताले गुनासो गरिसकेको उक्त समाचारमा जनाइएको छ । उनीहरुका अनुसार यी फोनको फिङगर प्रिन्टमा पनि समस्याा देखिएको छ ।

साओमीले ६० एचजेड रिफ्रेस रेट रहेको आफ्ना फोनहरुलाइ एएमओएलईडी प्रविधिमा पहिलो पटक अपग्रेडगरेका यी तीन सिरिजका फोनमा गुनासो आएपनि कम्पनीको यसतर्फ आफ्नो ध्यानाकर्षण भएको दावी गरेको छ । उक्त अनलाइनमा प्रकाशित समाचार अनुसार पुरानो सिरिजका साओमिका फोनमा यस प्रकारका समस्था थिएनन्, जुन समस्या अहिले देखिएको छ ।

समाचारमा जनाइए अनुसार यी मोवाइलहरुमा सफ्टवेयर ह्याङ हुने, सफ्टवेयर अपडेट नहुँदा एप्लिकेशनहरुले सही तरिकाले काम नगर्ने, सेन्सरमा समस्या देखिने, पब्जी लगायतका युवापुस्तामाझ चर्चित गेमहरुले काम नगर्ने जस्ता थुप्रै समस्याहरु देखिएको छ ।

आफ्ना नयाँ फोनमा सिरिजहरुमा उपभोक्ताको गम्भीर गुनासाहरु आउन थालेपछि यसको समाधानका लागि पहल भैरहेको कम्पनीको दावी छ । कम्पनीले केही प्रयोगकर्तामा देखिएको यो समस्या स्वीकार गर्दै समाधानका लागि पहल भैरहेको दावी गरेको हो । कम्पनीले एक विज्ञप्ति मार्फत आफ्ना फोनमा नयाँ सिरिजमा देखिएको समस्या प्रति पश्चाताप गर्दै गुणस्तर सुनिश्चित गर्न उच्चतम पहल गर्ने जनाएको छ ।

यसअघि चाइनिज फोन साओमीका प्रयोगकर्तामा गोपनियता र सुरक्षाको बिषयमा समेत गम्भीर चुनौति देखिएको थियो । उक्त फोन मार्फत अनाधिकृतरुपमा प्रयोगकर्ताहरुको मोवाइलको कल रेकर्डिङ, ट्यापिङ लगायतका काम हुने हुनाले ती फोनको प्रयोगकर्ताको गोपनियता माथि प्रश्न उठेको थियो ।

साओमी फोनका विभिन्न प्रयोगकर्ताहरुको पोर्न भिडियो हेरेको डाटा वाहिर आएपछि यो फोनका कमजोरी सार्वजनिक भएका थिए । उक्त घटनाले साओमीका प्रयोगकर्तामा उल्लेख्य हस आउने बिश्लेषण अध्ययनहरुको छ । साइवर सुरक्षासम्वन्धी अनुषन्धानकर्ता एन्ड्रयु डियरनीले गरेको एक अध्ययनले साओमीले गुगल प्लेमा धेरै तथ्याङक तथा व्राउजरहरु पठाएको देखाएको छ ।

त्यसले लाखौं प्रयोगककर्ताको गोपनियता भंग हुने अवस्था उत्पन्न भएको फोब्स म्यागेजिनमा छापिएको समाचारमा उल्लेख छ । साओमी कम्पनीले भने सो मोवाइलको प्रयोगकर्ताको डाटा सुरक्षित गर्ने क्रममा त्यो वाहिरिएको स्वीकार गरेको छ ।