आफ्नो जीवनकालमा एउटा राम्रो घर बनाउने चाहना धेरैको हुन्छ । धेरैले घर त बनाउँछन् तर त्यो आफ्नो चाहना अनुसारको नहुन पनि सक्छ । पैसाको अभावमा घर सोंचेजस्तो नबन पनि सक्छ अथवा बनेपछि पनि त्यसको ऋणको भारले स्वतन्त्र महसुस नगराउन सक्छ । तर केहि यस्ता तरिका छन् जसले तपाइलाई चाहना अनुसारको घर बनाउन सहयोग गर्छ ।
तपाइ कल्पना गर्न सक्नुहुन्छ, १० बर्षभित्रै पचास लाख बराबरको घर बनाउन सकिन्छ त्यो पनि ऋण बिना नै । त्यसका लागि अहिलेदेखि नै केहि बचतको बानी भने सुरु गर्नै पर्छ ।
जागिर गर्ने धेरैले १० देखि २० बर्षसम्म आफ्नो घर बनाउने अपेक्षा राखेका हुन्छन् । यदि १० बर्षभित्र घर बनाउन चाहने हो भने तपाइले मासिक १७ हजार नियमित बचत गर्नुपर्ने हुन्छ । सो बचतबाट तपाइले १० बर्षसम्म प्राप्त गर्ने ब्याज र बचतले घर बनाउन सहयोग पुग्छ ।
त्यस्तै १५ बर्षभित्र सो रकम बराबरको घर बनाउने चाहना छ भने महिनामा ७ हजार बचत सुरु गर्नुपर्छ । २० बर्षमा बनाउने हो भने महिनामा तीन हजार न्युनतम बचत हुनुपर्छ ।
बचत गरेर मात्र हुँदैन त्यसलाई कहाँ राख्ने भन्ने विषय झन् महत्वपूर्ण हुन्छ । बैङ्कमा बचत गरेर मात्र सो रकम बराबरको घर बनाउन गाह्रो हुन्छ । यसका लागि म्युचुअल फण्डको लगानी फाइदाजनक हुन्छ ।
स्रोत : एजेन्सी
