काठमाडौं । युक्रेनका राष्ट्रपति भोलोडिमिर जेलेन्स्की युक्रेन र रुसबीच लामो समयदेखि चलिरहेको युद्धका कारण सधैं समाचारमा रहँदै आएका छन्, तर, हालै अमेरिकी ह्वाइट हाउसमा आयोजित पत्रकार सम्मेलनमा उनी र अमेरिकी राष्ट्रपति डोनाल्ड ट्रम्पबीच भएको बहसपछि उनी फेरि समाचारमा छाएका छन् ।
हास्य कलाकारदेखि राष्ट्रपतिसम्मको यात्रा
भोलोडिमिर जेलेन्स्की २०१९ मा युक्रेनका राष्ट्रपति बने । यसअघि उनी एक सफल मनोरञ्जनकर्ता र व्यवसायी थिए । राष्ट्रपति बनेपछि उनको सम्पत्तिमा धेरै उतारचढाव देखियो ।
राष्ट्रपति भोलोडिमिर जेलेन्स्कीको सम्पत्ति कति छ ?
धेरै सामाजिक सञ्जाल रिपोर्टहरूले उनलाई अर्बपति भएको दाबी गर्छन् । तर, उनले फोब्र्सको विश्वव्यापी सम्पत्ति वरियतामा स्थान बनाउन सकेनन् । फोब्र्सले एक रिपोर्टमा भनेको छ कि जब रूसले २०२२ मा युक्रेनमा आक्रमण ग¥यो, राष्ट्रपति भोलोडिमिर जेलेन्स्कीको सम्पत्ति लगभग २० मिलियन डलर थियो ।
जेलेन्स्कीको तलब
युक्रेनी राष्ट्रपति जेलेन्स्कीले मासिक २८,००० युक्रेनी रिभ्निया तलब पाउँछन्, जुन लगभग ९३० अमेरिकी डलर बराबर हुन्छ ।
घरजग्गामा लगानी
राष्ट्रपति बन्नुअघि नै उनले लगभग १० लाख डलर बराबरको फ्ल्याट किनेका थिए । यसबाट, अनुमान लगाउन सकिन्छ कि उनी एक सफल कलाकार हुने र उनले राम्रै आर्जन गर्छन । यसबाहेक, २०१९ मा उनले इटालीको फोर्टे देई मार्मीमा लगभग ४० लाख डलरको भिल्ला किनेका थिए । भनिन्छ कि उनले यसलाई २०२० मा बेचेका थिए ।
जेलेन्स्कीको जीवनसँग सम्बन्धित ५ महत्त्वपूर्ण तथ्यहरू
१. युक्रेनका राष्ट्रपतिले कानुनी शिक्षा प्राप्त गरेका छन् । उनले किभ राष्ट्रिय आर्थिक विश्वविद्यालयबाट कानूनको डिग्री प्राप्त गरे । यद्यपि, उनले कहिल्यै यसको प्रयोग गरेनन् न त उनी कानुनी सल्लाहकार नै बने । राजनीतिमा प्रवेश गर्नुअघि उनले आफूलाई एक लोकप्रिय हास्य कलाकारको रूपमा स्थापित गरिसकेका थिए । उनले युक्रेनी टेलिभिजन श्रृंखला सर्भेन्ट अफ द पिपलबाट ठूलो ख्याति कमाए ।
३. उनले क्वार्टल ९५ नामक उत्पादन कम्पनी स्थापना गरे । यो उत्पादन घरले कमेडी शो, सिटकम र धेरै चलचित्रहरू उत्पादन ग¥यो ।
४. आफ्नो कार्यकालमा जेलेन्स्कीले धेरै ठूला काम गरे जसका कारण उनी समाचारमा रहे । उनले सार्वजनिक सेवाहरूलाई डिजिटलाइज गर्न र पारदर्शी बनाउन पहल गरे ।
५. सन् २०१९ मा भएको राष्ट्रपति चुनावमा उनले ७० प्रतिशतभन्दा बढी मत प्राप्त गरी ठूलो अन्तरले जित हासिल गरे । तर, २०१८ मा राष्ट्रपति पदको लागि उम्मेदवारी घोषणा गर्दा उनले आफ्नो अनुभवहीनताका कारण धेरै आलोचना खेप्नुपरेको थियो ।
