काठमाडौं । विश्वका तेश्रो धनी तथा एसियाका सबैभन्दा धनी व्यक्ति तथा दिग्गज व्यापारी गौतम अडानी लगातार चर्चामा रहन्छन् । हालै फ्रान्सेली व्यापारी बर्नार्ड अर्नाल्टलाई पछि पार्दै उनी तेस्रो स्थानमा उक्लिएका छन् । अहिले उनी धनीहरुको सूचीमा अमेजनका संस्थापक जेफ बेजोससँग निकै नजिक छन् ।

तर, यसका लागि उनले धेरै संघर्ष गरेका छन् । गौतम अडानीले आफ्नो जीवनमा हरेक परिस्थितिमा केही काम गरेका छन् । उनले मिडियालाई दिएको अन्तर्वार्तामा पनि यसबारे धेरै पटक बताएका छन् । यदि तपाईं पनि धनी बन्न चाहनुहुन्छ भने, गौतम अडानीबाट यी १० कुराहरू (गौतम अडानीको बारेमा १० कुराहरू) सिक्न सक्नुहुन्छ ।

१) परिवारसँग खाना खाने

गौतम अडानी निकै व्यस्त छन् । तर बाहिर सबै व्यवस्था भए पनि र जति व्यस्त भएपनि उनी परिवारसँग मात्रै खाना खान्छन् । गौतम अडानीको नियम छ, व्यस्तताका बाबजुद पनि अफिसको टेबलमा परिवारका सबै सदस्य सँगै खाना खाने । उनी एक अनुभवी व्यापारी हुन् तर, उानी खानाको टेबलमा पनि केहि व्यापारिक समस्याहरूको बारेमा कुरा गर्छन र परिवार मिलेर समस्या धेरै सजिलै हल गर्दछ । अडानी बताउँछन् कि व्यस्तता जीवनको एक हिस्सा हो, तर परिवारको लागि समय निकाल्नु पनि महत्वपूर्ण छ ।

२) जन्मभूमि

गौतम अडानीलाई एक पटक सोधिएको थियो कि उनले आफ्नो व्यवसायको मुख्य कार्यालयको लागि अहमदाबादलाई किन रोजे, जबकि उनको व्यवसाय संसारभर फैलिएको छ । अडानी भन्छन् कि अहमदाबाद उनको जन्मस्थान हो, जसले उनलाई जन्माएको र हुर्काएको हो । साथै यो शहरले उनको व्यवसायमा सहयोग गर्यो । उनी भन्छन्–गुजरात मेरो परिवार जस्तै हो र को आफ्नो परिवारबाट टाढा जान्छ र ?

३) सधैं ठूलो सपना देख्नुहोस्

गौतम अडानीको जन्म २४ जुन १९६२ मा गुजरातको अहमदाबादमा भएको थियो । अडानीका ६ दाजुभाइ थिए । अडानीको परिवार अहमदाबादको पोल क्षेत्रको शेठ चावलमा बस्थे । तर, उनी सधैं केही ठूलो गर्ने र सफल हुने सपना देख्छन् । गौतम अडानीको व्यापार यात्रा तब सुरु भयो जब उनी गुजरात विश्वविद्यालयबाट बीकम पूरा नगरी मुम्बई गए । उनले हिरा छाट्ने काम सुरु गरे र केही वर्षभित्रै मुम्बईको जावेरी बजारमा आफ्नै हीरा ब्रोकरेज फर्म सुरु गरे ।

४) सही शुरुवात

सन् १९९१ मा सुरु भएको आर्थिक सुधारका कारण अडानीको व्यवसाय चाँडै नै विविधिकरण भयो र उनी बहुराष्ट्रिय व्यापारी बने । सन् १९९५ गौतम अडानीका लागि ठूलो सफलता साबित भयो, जब उनको कम्पनीले मुन्द्रा बन्दरगाह सञ्चालनको ठेक्का पाएको थियो । गौतम अडानीले आफ्नो व्यवसायको विविधीकरण जारी राखे र १९९६ मा अडानी पावर लिमिटेड अस्तित्वमा आयो ।

५) कहिल्यै हिम्मत नहार्नुहोस्

अडानीको जीवनमा एउटा ठूलो डरलाग्दो किस्सा मुम्बईमा २००८ मा भएको आतंकवादी हमलासँग सम्बन्धित छ । २६ नोभेम्बर २००८ मा, उनी मुम्बईको ताज होटलमा डिनरमा जाँदै गर्दा आतंकवादीहरूले आक्रमण गरे । आतंकवादीहरूले १६० जनालाई मारे, तर अडानीले हार मानेनन् र बाँच्न सफल भए ।

६) परिश्रम गर्नबाट पछि नहट्नुस्

अडानीले कलेजको पढाइ छाडेर हिरा व्यापारी भएर करियर सुरु गरेका थिए । हीराले राम्रो काम गर्यो, त्यसैले उनी १९८१ मा अहमदाबाद गए, जहाँ उनले आफ्नो काकाको पोलिभिनाल क्लोराइड फर्म सुरु गर्न मद्दत गरे । सन् १९८८ मा उनले अडानी एक्सपोर्ट्स अन्तर्गत कमोडिटी ट्रेडिङ भेन्चर सुरु गरे ।

७) समस्या देखि नडराऊ

सन् १९९७ मा गौतम अडानीलाई केहीले अपहरण गरेका थिए । सो समूहले अडानीलाई रिहा गर्ने बदलामा १५ लाख डलर अर्थात् करिब ११ करोड रुपैयाँ फिरौती मागेको थियो । अडानीको अपहरणमा अन्डरवल्र्ड डन फजल उर रहमान उर्फ फजलु रहमानको हात रहेको बताइएको छ ।

८) सधै सहयोगका लागि तयार रहनुहोस

गौतम अडानीको फाउन्डेसनले देशका १६ राज्यमा सहयोग गर्न सदैव तयार छ । यी स्थानहरूमा, अडानी फाउन्डेसनले २४०० भन्दा बढी गाउँहरूमा २० लाख भन्दा बढी जनसंख्यालाई गुणस्तरीय प्राथमिक शिक्षा प्रदान गर्दछ । अडानी फाउन्डेशनले सीप विकास अन्तर्गत ११ राज्यका एक लाख केटा र केटीहरूलाई तालिम पनि प्रदान गर्दछ ।

९) घमण्ड नगर्नुहोस्

टाटा समूह र रिलायन्स पछि अडानी समूह १०० अर्ब डलर भन्दा बढीको मार्केट क्याप हासिल गर्ने भारतको तेस्रो व्यापारिक घराना हो । अडानीको व्यवसाय खानी, बन्दरगाह, पावर प्लान्ट, एयरपोर्ट, डाटा सेन्टर र रक्षा क्षेत्रहरूमा फैलिएको छ । तर, अडानीले कहिल्यै घमण्ड गरेनन् । उनी सधैं परिवार र भूमिसंग जोडिएका छन् ।

१०) सधैं अगाडि बढ्ने सोच

गौतम अडानी सधैं अगाडि बढ्ने सोच्छन् । यसअघि आर्थिक कठिनाइको सामना गर्नुपरेको बेला पनि उनले निराशालाई कहिल्यै ठाउँ दिएनन् । आज पनि उनी अगाडी बढ्न मिहिनेत गर्छन् । अनुवाद गरिएको