काठमाडौं, जेठ ५ । कोरोना भाइरसको संक्रमणका कारण विश्वभरमा ज्यान गुमाउनको संख्या ३ लाख १७ हजार १ सय ७४ पुगेको छ ।
करिब ४८ लाख संक्रमित मध्ये १८ लाख ६८ हजार ५ सय ३२ भन्दा बढी मानिस उपचारपछि घर फर्किएका छन् ।
अमेरिकामा संक्रमित १५ लाख २८ हजार मध्ये ९० हजार ९ सय ८८ जनाको मृत्यु भएको छ । बेलायतमा ३४ हजार ६ सय ३६ जनाको कोरोना संक्रमणका कारण ज्यान गइसकेको छ भने संक्रमितको संख्या २ लाख ४३ हजार ६ सय ९५ पुगेको छ ।
इटलीमा ३१ हजार ९ सय ८ जनाको कोरोना संक्रमणले मृत्यु हुँदा फ्रान्समा २८ हजार १ सय ८, स्पेनमा २७ हजार ६ सय ५० को ज्यान गएको छ । एजेन्सी
