काठमाडौं । कोरोना भाईरसका कारण बहराइनमा एकैदिन ७७ जना नेपाली संक्रमित देखिएका छन । ७७ जनामा संक्रमण भेटिएसँगै बहराइनमा संक्रमित हुने नेपालीको संख्या १ सय २६ जना पुगेको छ ।
बहराइनको राजधानी मनामास्थित नेपाली दूतावासका अनुसार एउटा सुपरमार्केट र अन्य ३ कम्पनीमा काम गर्ने नेपाली कामदारलाई संक्रमण देखिएको हो । संक्रमितहरु हाल बिभिन्न अस्पतालहरुमा उपचार भैरहेको दूतावासले जानकारी दिएको छ ।
बहराइनमा संक्रमितको सख्या भने १५ सय ४६ जना पुगेको छ भने १२ सय ४६ जना उपचार पछि घर फर्केका छन । बहराइनमा अहिलेसम्म कोरोना संक्रमणबाट ८ जनाको मृत्यु भएको छ ।
