बेलायती बैंक स्टान्डर्ड चार्टर्डले गरेको हालै एक अध्ययनले संयुक्त राज्य अमेरिकाको सर्वशक्तिमा हैसियत कमजोर बन्ने तथ्य बाहिर ल्याएको छ । बैंकका अनुसार आउँदो बर्ष अमेरिकाले विश्वकै शक्तिशाली अर्थतन्त्रको आफ्नो परिचय मात्र गुमाउनेछैन, त्यसपछि उक्त हैसियतमा कहिल्यै फर्किनेछैन ।
बैंकले देशहरुको विनिमय दर, उर्जा खरिद प्रवृत्ति र न्युनतम कसल गार्हस्थ्य उत्पादनलाई आधार मानेर संकलन गरेको तथ्यांकले अमेरिकाको स्थान चीनले लिने तथ्य भेटाएको छ । उर्जा खरिदको प्रवृत्तिका आधारमा मात्रै चीन अहिले नै विश्वकै शक्तिशाली अर्थतन्त्र बनिसकेको बैंकले जनाएको छ । तर जीडीपीको सन्दर्भमा भने अमेरिका अझै समय चीनभन्दा अघि नै हुनेछ ।
अमेरिकाको हैसियत चीन पछि मात्र हुनेछ । बैंकका अनुसार सन् २०२० देखि २०३० सम्म औषत ६ देखि ८ प्रतिशतसम्मको आर्थिक वृद्धिदरले भारतले पनि अमेरिकी अर्थतन्त्रलाई पछि पार्नेछ ।
‘अहिलेका सुधारका प्रयास, जीएसटी तथा वित्तीय संकट कोड(आइबीसी)जस्ता कारणले सन् २०२०को दशकमा वृद्धिदर ७.८ प्रतिशत रहने र त्यसले भारतलाई सबल अर्थतन्त्रको सूचीमा अघि ल्याउनेछ’ बैंकले उल्लेख गरेको छ ।
सन् २०३० मा एसियाली जीडीपी सन् २०१८ को २८ प्रतिशतबाट बढेर विश्व अर्थतन्त्रको ३५ प्रतिशत हिस्सा राख्ने पनि बैंकले जनाएको छ । यो हिस्सा युरोजोनमा रहेका देशहरु र अमेरिकाको कुल मिलाएर बराबर हुन सक्नेछ ।
सन् २०३० सम्म विश्वका १० ठूला अर्थतन्त्रमध्ये ६ ओटा एसियाकै हुनेछ । यसले गर्दा पनि अमेरिकाले आफ्नो हैसियत गुमाएपछि फेरि सोही स्थानमा पुग्न नसक्ने बैंकको दाबी छ ।
