काठमाडौँ । अमेरिकी राष्ट्रपति डोनाल्ड ट्रम्पले आफू रुसी राष्ट्रपति भ्लादिमिर पुटिनसँग असन्तुष्ट र दुखी भएको बताएका छन् । ट्रम्पले पुटिनले युक्रेनी राष्ट्रपति भोलोडिमिर जेलेन्स्कीको विश्वसनीयतामाथि आक्रमण गरेको बताएका छन् ।
अन्तर्वार्तामा ट्रम्पले यदि पुटिन युद्धविराममा सहमत भएनन् भने उनले रूसबाट तेल खरिद गर्ने देशहरूमा ५० प्रतिशत कर लगाउन सक्ने चेतावनी दिएका छन् ।
ट्रम्पले भने, ‘यदि रूस र म युक्रेनमा रक्तपात रोक्न सम्झौतामा पुग्न सकेनौं भने मलाई लाग्छ, यो रूसको गल्ती हुने छ, म रूसबाट आउने सबै तेलमा थप कर लगाउनेछु ।’
ट्रम्पको यस बयानमा अमेरिकी राष्ट्रपति कार्यालयबाट कुनै प्रतिक्रिया आएको छैन । युक्रेनमा युद्धविरामको जोड दिइरहेका ट्रम्प पुटिनसँग नजिकिदै गरेको भन्ने बहस चलिनैरहेका बेला उनको यस्तो भनाई आएको हो ।
विगत छ हप्तादेखि जेलेन्स्कीमाथि दबाब बढाउदै पुटिनको पक्षमा बोलिरहेका ट्रम्पले पहिलो पटक पुटिनलाई चेतावनी दिएका हुन् ।
