काठमाडौं । युरोपेली केन्द्रिय बैंकका प्रमुख अर्थशास्त्रीले उच्च मुद्रास्फितिलाई नियन्त्रण गर्न युरोजोनको थप ब्याजदर वृद्धि उपयुक्त हुने बताएका छन् ।
बढ्दो उपभोक्ता मूल्यलाई नियन्त्रणमा ल्याउन मौद्रिक कडाइको अभूतपूर्व अभियानअन्तर्गत ईसीबीले गत वर्षको जुलाईदेखि ३।५ प्रतिशत बिन्दुले ब्याजदर वृद्धि गरेको छ ।
केन्द्रीय बैंकको अर्को बैठक मे ४ मा बस्नेछ र २० राष्ट्रको मुद्रा क्लबमा मुद्रास्फीति कम हुँदै जाँदा नीति निर्माताहरूले अर्को वृद्धि लागू गर्छन् कि गर्दैनन् वा कतिसम्म गर्छन् भन्ने गम्भीर चासो र पर्खाइको बिषय बनेको छ ।
प्रमुख अर्थशास्त्री फिलिप लेनले भनेयो, “यदि मार्चमा ईसीबीको पछिल्लो पूर्वानुमानमा निहित ‘आधारभूत परिदृश्य’ कायम रह्यो भने ‘दरहरू थप बढाउनु उपयुक्त हुनेछ ।”
ईसीबीको वेबसाइटमा पोस्ट गरिएको एक भाषणअनुसार लेनले भने, “बजार र केन्द्रीय बैंकले गरेको सर्वेक्षणले पनि निकट भविष्यमा ऋण लागत अझ बढ्ने र विस्तारित अवधिको लागि उच्च स्तरमा रहने अपेक्षा गरेको छ ।
गत वर्षको फेबु्रअरीमा रूसले युक्रेनमाथि आक्रमण गरेपछि र युरोपमा ग्यासको आपूर्ति बन्द गरेपछि युरोजोनको मुद्रास्फीति ह्वात्तै बढेको थियो । मार्चमा युरोजोनमा उपभोक्ता मूल्यवार्षिक आधारमा ६।९ प्रतिशतले बढेको थियो, जुन फेब्रुअरीमा ८।५ प्रतिशतले घटेको थियो ।
तर यो अझै पनि ईसीबीको दुई प्रतिशतको लक्ष्यभन्दा धेरै माथि छ । नीति निर्माताहरूले अस्थिर ऊर्जा र खाद्य लागत बाहेकको आन्तरिक मुद्रास्फीति अत्यधिक उच्च रहेको बताएका छन् ।
मार्चमा बसेको आफ्नो बिज्ञहरूको अन्तिम बैठकमा ईसीबीले बैङ्किङ्ग क्षेत्रको उथलपुथलको प्रतिक्रियामा कडाईलाई ढिलो वा रोक्नको लागि आह्वानको बावजुद, अपेक्षित रूपमा आधा प्रतिशत बिन्दुले दरहरू हटाएको थियो ।
तीन अमेरिकी क्षेत्रीय ऋणदाताहरूको पतन र स्विस प्रतिद्वन्द्वी यूबीएसद्वारा क्रेडिट सुइसको अधिग्रहणले बजारमा अशान्ति निम्त्याए पनि व्यापक वित्तीय सङ्कटको भय पछिल्लो समय कम भएको छ । रासस
