काठमाडौं । संयुक्त राज्य अमेरिकाको एकतर्फीवाद र व्यापारमा संरक्षणवाद बहुपक्षीय व्यापार प्रणालीबाट विचलित भएको, आर्थिक कानून र बजार नियमहरूको उल्लङ्घन गरेको र विश्वव्यापी औद्योगिक र आपूर्ति शृङ्खलाको स्थिरतामा असर पारेको चिनियाँ वाणिज्य मन्त्रालयले बताएको छ ।
विश्व व्यापार सङ्गठन (डब्ल्यूटीओ) को गत साता सम्पन्न संयुक्त राज्य अमेरिकाको १५ औं व्यापार नीति समीक्षाको बारेमा सञ्चारमाध्यमको जिज्ञासाको जवाफमा चीनको यस्तो भनाई आएको हो ।
समीक्षाका क्रममा चीनले ठूलो मात्रामा भेदभावपूर्ण अनुदानहरू लागू गर्ने, धारा ३०१ अन्तर्गत एकतर्फी रूपमा विशाल र उच्च ट्यारिफहरू लागू गर्ने र निर्यात नियन्त्रणका उपायहरूको दुरुपयोग गर्ने जस्ता अमेरिकी अभ्यासहरूमा चिन्ता व्यक्त गरेको थियो ।
विश्व व्यापार संगठनको नियमका आधारमा अमेरिकालाई ३१२ वटा लिखित प्रश्न पनि सोधिएको मन्त्रालयले जनाएको छ । युरोपेली सङ्घ, जापान र क्यानडालगायत विश्व व्यापार सङ्गठनका अन्य सदस्य राष्ट्रहरूले पनि बहुपक्षीय व्यापार प्रणालीमा सान्दर्भिक अमेरिकी व्यापार नीतिको प्रणालीगत प्रभावबारे समीक्षामा चिन्ता व्यक्त गरेका थिए ।
विश्व व्यापार सङ्गठनको तीन वटा कार्यमध्ये एकको रूपमा, व्यापार नीति पुनरावलोकन डब्ल्यूटीओका सदस्यहरूको लागि उनीहरूको अधिकारप्रयोग गर्न र उनीहरूको आर्थिक र व्यापारिक चासोहरू व्यक्त गर्न डब्ल्यूटीओ महत्वपूर्ण मञ्च हो ।
