काठमाडौँ । साइप्रस विश्वविद्यालयको बायोटेक्नोलोजी र आणविक भाइरोलोजी प्रयोगशालाका प्रमुख डा लियोनडियोस कोस्ट्रिक्सले डेल्टाक्रोन पत्ता लगाए। उनी भन्छन् कि यसले अत्यधिक संक्रामक ओमिक्रोनलाई प्रतिस्थापन गर्न सक्छ।
काठमाडौं । ओमिक्रोनलाई अहिलेसम्म कोरोनाको सबैभन्दा छिटो फैलिने अर्थात संक्रामक भेरियन्टको रूपमा वर्णन गरिएको छ । तर, साइप्रसमा यसको मिश्रित रूप र थप विनाश निम्त्याउन सक्ने ‘डेल्टाक्रोन’ देखा परेको छ। अहिले डेल्टाक्रोन कति घातक हुन सक्छ भन्ने बारे बैज्ञानिकहरुले अधययन गरिरहेका छन् ।
साइप्रस विश्वविद्यालयको बायोटेक्नोलोजी र आणविक भाइरोलोजी प्रयोगशालाका प्रमुख डा लियोनडियोस कोस्ट्रिक्सले डेल्टाक्रोन पत्ता लगाएका हुन् । उनले यसले अत्यधिक संक्रामक ओमिक्रोनको स्थान लिन सक्ने बताएका छन् । भाइरोलोजिस्ट टम पीककका अनुसार डेल्टाक्रोन कुनै संस्करण होइन तर वास्तविक संस्करणको दूषित संस्करण हुन सक्छ। जब नयाँ भेरियन्टको जीनोम सिक्वेन्सिङ गरिन्छ, त्यस्ता कन्टमिनेटेड भेरियन्टहरू उत्पन्न हुन सक्छन। यी सामान्यतया नयाँ भेरियन्ट हैनन् तिनीहरूसँग सार्स कोभ–२ भाइरस जस्तो जस्तो आनुवंशिक लिङ्क छैन् ।
बनारस हिन्दू विश्वविद्यालय चिकित्सा विज्ञान विभागका भाइरोलोजिस्ट र प्रोफेसर सुनित के सिंहले भने कि यो सार्स कोभ–२ भाइरस जस्तै भाइरसको प्रकृति हो जुन उत्परिवर्तन भइरहन्छन्। यसको नयाँ मिश्रित रुप अध्ययन गर्न बाँकी छर कोरोना भाइरसको हरेक रूप खतरनाक हुन्छ भन्ने पनि छैन् ।
वैज्ञानिक एरिक टोपोल भन्छन्डे–डेल्टाक्रोन नामकरण आधिकारिक रूपमा गरिएको छैन। यसलाई साइप्रस विश्वविद्यालयका एक प्राध्यापकले नाम दिएका हुन्। यसबारे अनावश्यक त्रास फैलिएको छ । साइप्रस विश्वविद्यालयका प्रोफेसर लियोनडियोस कोस्ट्रिक्सको रिपोर्ट अनुसार साइप्रसमा अहिलेसम्म डेल्टाक्रोनका २५ जना बिरामी फेला परेका छन् । तर, यो भेरियन्ट कत्तिको घातक छ र यसको प्रभाव के हुन्छ भन्न हतार हुनेछ। कोस्ट्रिक्सले भने–‘हामी यो स्ट्रेन धेरै प्याथोलोजिकल वा बढी संक्रामक हो र यो विगतका दुई मुख्य स्ट्रेनहरू भन्दा बढी संक्रामक हुन्छ कि भनेर पत्ता लगाउनेछौं । उनले आफ्नो अध्ययनको नतिजा भाइरसको अन्तर्राष्ट्रिय डाटाबेस ‘जीआईएसएड’ मा पठाइएको बताए । अमर अजालाबाट अनुवाद
