काठमाडौं । जापानीज प्रविधि कम्पनी सोनीले अब विद्युतीय सवारीसाधन उत्पादन अघि बढाउने भएको छ । कम्पनीले बुधबार जानकारी दिएअनुसार चाँडै विद्युतीय सवारीसाधन उत्पादन गर्ने नयाँ भगिनी कम्पनीको स्थापना गर्न लागेको हो ।
सोनीका संस्थापक तथा अध्यक्ष केनीचिरो योसिदाले एक पत्रकार सम्मेलनमा विद्युतीय सवारी उत्पादनको जाँच गर्नका लागि सोनी मोविलिटी ईंक नामक कम्पनी सार्वजनिक गर्न लागेको बताएका हुन् ।
‘हामीले हालसम्म उपलब्ध गराएको सेन्सिङ प्रविधि, फाईभजी क्लाउड, इमेजिङलगायत प्रविधिको समायोजनसहितको नयाँ उत्पादनले अझै धेरै हामीलाई माथि उठाउनेछ,’ उनले भने । हालपनि कम्पनीसँग अटोमेटिक ड्राईभिङ कारका लागि आवश्यक सेन्सरहरुको बाहुल्यता छ ।
यस्तै यो कम्पनी गित, सिनेमा, श्रृङ्खलालगायतका मनोरञ्जनका क्षेत्रमा पनि अगस्थानमा पर्ने गरेको छ । कम्पनीले एसयुभी गाडी सार्वजनिक गर्दै जाँचका लागि तयारी गरेकोसमेत जानकारी दिएको छ ।
