काठमाडौं । लुम्बिनी जनरल इन्स्योरेन्स कम्पनी लिमिटेडले आफ्ना सेयरधनीलाई १२ प्रतिशत बोनस सेयर बितरण गर्ने भएको छ ।
कम्पनीको शुक्रबार सम्पन्न १३ औं बार्षिक साधारण सभाले १० करोड रुपैयाँ बराबरको सेयर तिवरणको प्रस्ताव पारित गरेको हो ।
सभाले जारी तथा चुक्ता पूंजी रु. ८८ करोड पु¥याउने प्रस्ताव समेत पारित गरेको हो । सभामा सञ्चालक समितिको वार्षिक प्रतिवेदन, आर्थिक वर्ष २०७३/०७४ को वासलात, नाफा नोक्सान हिसाव तथा प्रगति विवरण प्रस्तुत गरिएको हो ।
आ.व. २०७३/०७४ मा कम्पनीको चुक्ता पूँजी रु. ३९ करोड रहेको छ । त्यस्तै खुद मुनाफा करिब रु. १७ करोड ९३ लाख पुगेको कम्पनीले जानकारी दिएको छ ।
यसै सन्दर्भमा सभाले कम्पनीको जारी तथा चुक्ता पूंजी रु. ८८ करोड पु¥याउने प्रस्ताव समेत पारित गरेको छ ।
सो अवसरमा कम्पनीका अध्यक्ष मनोहर दास मूलले कम्पनीको समीक्षा अवधिमा करिब रु. १ अर्ब १३ करोड बीमाशुल्क आर्जन गरेको जानकारी दिए । जुन अघिल्लो आवको तुलनामा ४५ प्रतिशतले बढी हो ।
यसैबीच सभाले संस्थापक शेयरधनीहरुको तर्फबाट प्रतिनिधित्व हुने ४ जना सञ्चालकमा मनोहर दास मूल, विश्वराज रेग्मी, अरुण राज श्रेष्ठ र उमेश रेग्मीलाई निर्विरोध निर्वाचित गरेको छ ।
सोही दिन बसेको सञ्चालक समितिको बैठकले मनोहर दास मूललाई सञ्चालक समितिको अध्यक्षमा पुनः चयन गरेको हो ।
